Gin-deny sang alkalde ang motion for reconsideration (MR) sang gin-dismiss nga maestro sa Bacolod City College (BCC) bangud sa reklamo nga sexual harrassment sang isa ka babayi nga estudyante.
Setyembre 19, 2025 ginpirmahan ni Mayor Greg Gasataya ang desisyon sa denial sang MR sang maestro bangud sang kakulang sang merito.
Madumduman nga ang dismissal order batok sa maestro ang una na ginpaguwa sang Hulyo 22, 2025.
Kag santo sa desisyon, guilty ang maestro sa grave offense sang pag-request sang sexual favor kabaylo sang passing grade kag favorable academic conditions. Guilty man ini sa light offenses nga unwelcome inquiries or comments angut sa sex life sang indibidwal, sexual flirtation, advances kag propositions.
Dismissal from service kag perpetual disqualification from public service, santo sa Section 51 (A) sang 2017 Rules on Administrative Cases in Civil Service, forfeiture sang retirement benefits, kag cancellation sang civil service eligibility ang ginpapanog nga penalidad batok sa maestro.
Ang BCC, ang ginapanag-iyahan sang Bacolod City kag ang alkalde ang chairman sang Board of Trustees sang eskwelahan.