Agriculture scientist kag Department of Science and Technology (DOST) inventor halin sa Mindanao ang nagatanyag karon sang crop vaxine batok sa Red striped soft-scale insect (RSSSI).
Si Dr. Dennis L. Bialen ukon mas kilala nga “Dr Germs” ang nagikan pa sa Sultan Kudarat kag ang ila adbokasiya amo ang mabuligan ang mga manunguma.
Sang ila nabatian ang problema diri sa Negros natuhoy sa pagpameste sang RSSSI, ila gilayon gintun-an ang pag-ubra sang vaccine para sa mga bulong.
Sa interview sang DYHB kay Dr. Bialen, ginpahayag pa sini nga sarang ma-control sang ini nga formula ang peste, ilaga, tanom, kag rehabilitation sang duta.
Dugang pa sini nga ang ini nga crop vaccine ang sarang makaproduser sang iya kaugalingon nga phytotoxins batok sa mga predators sa diin kun kaunon nila ini, maga-release sang toxins ang tanom para madulaan sang gana magkaon ang mga peste.
Ang ini nga bulong ang ubra sa biological components kaangay sang Natural antibiotics, bio enzymes, Natural growth hormones, kag enhancers.
Ang ini nga formula ang ginatawag mga Vialexins Biosolutions sa diin bisan sa sulod sang 24-oras makita na ang epekto sini kag maamat-amat na paralize ang peste.
Paathag pa sini nga kun puro lang chemical ang i-spray sa RSSSI, indi ini madali-dali matapna bangud sang iya protective shield sa lawas nga kaangay may wax sa diin kun matapikan ini chemical, maga-ilig lang ini padalom.
Samtang sa ila pagagamiton nga bio enzymes, mismo ang protective shield ang matunaw, pahumukon sini ang exoskeletons sang RSSSI asta sa ma-paralize kag madunot dala ang ila mga bata nga ginatago.
Magluwas sini, nag-develop man sila sang soil bioremediation agud maamat-amat rehab ang mga duta kag magtaas ang resistance sang tanom kag indi na mabudlayan pa ang mga sugarcane farmers sagod.