Ginkumpirmar sang Department of Foreign Affairs (DFA) nga sila ang nagbisita sa Detention Facility ni anay Presidente Rodrigo Duterte sa International Criminal Court agud magpatigayon sang welfare check.
Suno sa ahensya, ini ang kabahin sang iya mandate sa idalum sang ‘Vienna Convention on Consular Relations and relevant Philippine laws’nga proteksyunan kag amligan ang tagsa ka Pilipino.
Dugang pa sand DFA, ini ang obligasyon ukon duty sang tanan nga mga Foreign Service Posts sang pungsod kag ini ang ini lain sa kun ano man ang ginhimo sang ahensya sa iban pa nga mga pinoy nga na detain sa gwa sang pungsod.
Nahibaluan nga may angut sa nasambit nga tikang, nagpabutyag si Vice President Sara Duterte nga wala nakahibalo ang administrayon nga madamo sang mga OFW ang wala ginahatagan atensyon sang gobyerno.
Sabat naman Kay Palace Officer Atty. Claire Castro, ini ang indi matuod kag ini ang kabutigan bangud may mga ahensya ang gobyerno nga naga-amlig sa mga OFWs.
Sa pihak nga bahin, nangin emosyonal naman ni Senator Bato Dela Rosa sa paghatag sang iya nga speech sa senado kahapon may angut sa sitwasyon ni Former President Duterte sa Netherlands.
Nagapanawagan si Dela Rosa sang sang suporta para sa interim release ukon house arrest para kay Duterte.
Pahayag sini, nga kun luyag nga masiguro ang maayo nga kahimtangan ni Duterte, isa sa mga nakita sini nga solusyon amo ang masuportahan sang senado ang interim release para sa anay president.
Kasunod sang pahayag ni Dela Rosa, ginsgundahan naman ini Senator Bong Go kag nagapanawagan sa pangamuyo para sa anay presidente nga nagaluya na suno sa senador kag nagpabutyag sang iya kabalaka may angut sa ginpatigayon nga welfare check.
Pahayag naman ni Senator Rodante Marcoleta, indi welfare check ang ginpatigayon ang kundi reality check agud siguraduhon ang kahimtangan ni Duterte matapos ginreport sang iya defense team nga indi ang ‘fit to stand trial, si Duterte.