Nagpaandam ang isa ka poultry group sa publiko nahanugod sa mga ginabakal nga frozen chicken products ilaboi na gid ang mga imported sa mga wet market sa posible nga risgo sa ikaayon lawas.
Suno kay United Broilers Raisers Association (UBRA) Chairman Elias Jose Inciong, nagakadapat nga nagaagi sa strikto nga layi kag regulasyon ang imported ng mga manok kag sa laboratory testing agud masiguro ang seguridad.
Ginpahayag sini nga mataas man ang risgo sang kontaminasyon sang bakterya sa mga frozen products bangud sa proseso sini sa packaging kag storage.
Dugang pa sini, masami nga may kemikal ang frozen products para makalikaw sa freezer burn kun diin suno sa health authorities nga ang amo nga kemikal ang magaresulta sa simple nga pagpula kag paghubag sang panit sang nagakonsumo tubtob nga magresulta sa severe chest pain kag palpitations.
[Photo from Web]