BCPO gina validate ang ginaalegar motornapping
BACOLOD CITY- Gina-validate sa karun sang Bacolod City Police Office (BCPO) ang gina-alegar lapnagon nga insidente sang motornapping ukon kawatay motor sa ciudad.
Ginpahayag ni BCPO Director Police Colonel Joeresty Coronica, wala pa sang formal complaint nga naglab-it sa iya opisina angot sa kawatay motor kag gina-alegar ginakarga sa van, apang iya na ginmanduan ang mga station commanders nga ivalidate ang amo nga impormasyon.
Nagahingyo naman si Coronica sa mga biktima sa amo nga insidente nga magpadulong sa police station agod ini ang ireport.
Nahibaluan nga ang motornapping sa ciudad ang indi na bag-o bangod kalabanan sa mga ginakawat nga motor ang gina chop chop agod indi ini makilala sang tag-iya; rason nga nagapanawagan ang city director sa publiko mangin vigilante sa nga valuable item kag indi magsalig sa palibot.