Survivor sa pagpangluthang sa Brgy Mandalagan nag-ako nga nagamit sang illegal nga droga upod ang utod antes ang insidente
BACOLOD CITY- Nag-ako ang surivor sa pagpangluthang sa Purok Active Brgy. Mandalagan sa ciudad sang Bacolod nga sila ang nagamit sang illegal nga droga upod sang iya utod antes sila ginluthang sang tinalikdan nga Setyembre 29.
Madumduman ang magulang nga ginbawian sang kabuhi amo si Harold Espina nga naga-angkas sa ginamaneho nga motorsiklo sang iya manghud nga si Harley Espina nga pilason naman sa amo nga pagpangluthang.
Base sa pahayag ni Police Major Rondyl Tapang, Station Commander sang Police Station 3, antes nagpuli ang mag-utod, sila ang nagamit sang illegal nga droga sa Brgy. Villamonte, kag aminado si Harley nga sila ang user apang wala nagabaligya ukon nagaduso.
Sa amo nga rebelasyon ni Harley, isa sa karun nga ginalantaw sang kapulisan angot sa krimen amo ang may angot sa illegal nga droga apang may duha ka iban pa nga ginalantaw nga anggulo nga possible motibo sa pagpangluthang ina ang nagluntad nga kumosyon sa tunga sang mag-utod kag mga parking boys sa Libertad Public Market, kag ang third party issue
Apang sa karun, padayon ang imbestigasyon sang Police Station 3 angot sa amo nga insidente.
