PROVINCIAL CAPITOL – Ginhingyo ni Cadiz City Mayor Salvador “Bading” Escalante ang mga schools heads kag subong man mga maestra nga magpatigayon sang inspeksyon sa mga eskwelahan sa ila nga ciudad sa possible kahalitan nga gintuga sang mabaskog nga pagtay-og kagab-i.
Ginpahayag ni Escalante nga sa pihak nga nagdeklarar ini sang class suspension sa Cadiz City, ginpabalik sini ang mga maestra kag school heads agud matsekyar ang ila estruktura sa ila mga buluthuan.
Ginpabutyag ni Escalante nga indi masarangan sa paglibot sang structural engineer ang tanan nga building sa ila nga ciudad rason nga ginhingyo sini ang bulig sang mga manunudlo.
Sa inisyal nga inspection, wala sang visual damage nga ginbilin ang linog.*File photo