BACOLOD CITY- Magaserbe bilang acting Vice Mayor si Bacolod City Councilor Atty. Caesar Distrito sa sulod sang apat ka adlaw sumugod subong nga Miyerkules, Oktubre 1, 2025.
Base sa pahayag ni Atty. Distrito, may ginpermahan si Vice Mayor Kalaw Puentevella nga memorandum angot sa pagdesignar sa iya bilang acting vice mayor bangod ini ang number one councilor sa ciudad.
Nahibaluan nga si Vice Mayor Puentevella ang yara sa personal domestic travel kag suno sa pagpakig-angot sang DYHB sa bise-alkalde, ini ang magabalik sa ciudad sa Oktubre 4.
Suno kay Distrito, sa iya pagpungko, ini ang magatrabaho sang administrative function sang bise alkalde kag responsibilidad sa nauna nga adlaw sang Masskara Festival 2025.