Nagalaum si Sangguniang Panlungsod (SP) Committee chair on Human Rights, Councilor Wilson “Jun” Gamboa nga pamatian sang senado ang mga nanagin pahayag sini naaangut sa Joint Venture Agreement (JVA) sang Prime water kag Bacolod City Water District (BACIWA).
Sa interview sang DYHB Kay Gamboa, ginpahayag sini nga tinalikdan nga Lunes sang ginpatawag siya sang opisina nanday Senators Raffy Tulfo kag Risa Honteveros para sa inquiry sa imbestigasyo sang senado sa kwestyonable nga JVA sang Prime water kag mga local water districts.
Suno kay Gamboa, diri natukiban niya nga may masobra 65 ka mga water districts nga gin takeover Prime water sa bilog nga pungsod kag halos tanan sa mga ini ang luyag na maggwa sa JVA.
Si Gamboa nga convenor man sang Amlig Tubig ang nagpahayag nga tuman gid ka disbentaha sa mga konsumidor ang serbisyo sang Prime water.
Kag bamgud sang JVA, suno kay Gamboa, gin-collateral kita sang Prime water kag nakautang sang masobra P160 billion.
Sa ini nga kantidad P30 million lang ang ginbalik sa tanan nga water district.
Panindugan ni Gamboa, ngaa nagsulod pa kita sa JVA? Kun kinahangalan sang BACIWA sang budget para sa rehabilitation, ngaa indi nalang mismo ang water cooperative ang nagpangutang?
Diri sa Bacolod City, ginpahayag nga ang ginpromisa sang Primewater nga pondo ang yara sa P1.6B sa sulod sang lima ka tuig apang sa karon, yara lang sa P130 million ang napagwa sang kumbuyahan.
Suno pa kay Councilor Jun, indi lang termination sang contract ang ila panawagan kundi ang mabuligan man ang mga water districts kag mahatagan sang dugang nga unto ang aton local water utility administration para ma regulate ang private companies.