NO PLASTIC THURSDAYS” SA MERKADO SA BACOLOD GINLUNSAR

Ginlunsar ang “No Plastic Thursdays” sa Burgos Public Market sa ciudad sang Bacolod, sini nga adlaw, Oktubre 2, 2025.

Suno kay Councilor Celia Flor, chairperson sang Committee on Markets, sa sini nga inisyatibo ginahingyo ang mga bumalakal nga maggamit sang mga eco kag recyclable bags tagsa ka Huwebes.

Suno pa kay Flor, kon luyag sang customer nga maggamit sang plastic dapat magdala ini sang iya kaugalingon bangud indi maghatag ang nagabaligya.

Diri amat-amaton ang mga bumalakal kag kon mangin madinalag-on posible dugangan ang “no plastic” days. Iga-assess sang ciudad ang resulta sang “No Plastic Thursdays” sa Burgos Public Market kag sa ulihi posible ipatuman ini sa iban pa nga merkado sa ciudad.

Suno kay Councilor Flor, ini nga inisyatibo ang bulig sa palibot. Tion naman ini suno sa konsehal nga ipatuman na ang City Ordinance No. 562 nga nga-regulate sang sale, provision, kag paggamit sang plastic bags bilang packing materials nga gin-author ni Councilor Em Ang.

Si Mayor Greg Gasataya ang nagpanguna sa paglunsar sang “No Plastic Thursdays” sa Burgos Public Market kaina sang aga.

Share this news

Leave a Reply

Your email address will not be published. Required fields are marked *