BAGO CITY- Nagpamatok ang 38 ka household sang Purok Eucalyptus, Barangay Calumangan, sa ciudad sang Bago sa mando sang Department of Agrarian Reform (DAR) nga writ of demolition.
Nahibaluan nga luyag mabawi ni Genita Villanueva ang kapin apat ka ektarya nga duta nga nalakip ang ginatindugan sang mga puluy-an sang 38 ka mga household.
Ginpaboran ang hingyo ni Villanueva nga recovery of possession, rason nga nagdagdag sang writ of demolition nga ginpirmahan sang Provincial Agrarian Reform Adjudicator-Negros Occidental sang February 24, 2025 batok sa 38 ka mga household.
Personal nga ginpadulungan ni Alan Hongo- sheriff sang DAR, ang lugar agod ipahibalo sa mga apektado nga residente ang natalana nga demolition, apang sila kag ang Bago City police ang ginbalabagan sang mga residente.
Surio kay Hongo, bangod sila ang ginbalabagan sang mga residente sila ang natalana nga magpatigayon sang conference meeting angot sa implementasyon sang writ of demolition.