Natalana nga igaduso sang Commission on Election sa Kongreso ang pagpatigayon General Voters Registration sa tuig 2026.
Ginpahayag ni Atty. Lionel Marco Castillano, Regional Election Director sang COMELEC-NIR, maga-proposed ang COMELEC sa Kongreso nga punduhan ang pagpatigayon sang General Voters Registration ukon liwat nga pagparehistro sang tanan nga mga botante bangod pinaagi sa amo nga tikang matinulaan ang voters list sang talatapan.
Aminado si Castillano nga indi perpekto ang listahan sang botante bangod sila lamang ang nagabase sa local civil registar kun may yara sang update angot sa mga nagkalamatay nga mga botante sa tagsa ka mga lugar.
Lakip man sa mga rason sa pagpatigayon liwat sang registration sang tanan, amo ang malikawan ang double ukon multiple registration.
Luyag man sang COMELEC nga i-update ang biometric capture sa mga botante, kun sa diin imbis tatlo ka finger print lamang ang iga-scan ini ang pagahimuon na nga pulo, kag magapatuman man sila sang eye scanner.
Dugang pa sang regional election director, sila ang nagalaom nga ini ang pagkapondohan kag pagapahanugotan sang Kongreso bangod indi makabig nga tinlo ang eleksyon kun damo ang multiple registrants.