Ginpaidalom sa deputization ang lima ka mga traffic enforcers sang Bacolod Traffic Authority Office (BTAO) sa Land Transportation Office (LTO), kun sa diin sila ang may kahigayunan na nga mag-kompiskar sang driver’s license sa mga motorista nga nagalapas sang ordinansa sa ciudad sang Bacolod.
Sa interview DYHB kay Jose Antonio Robello, Deputy sang BTAO, nagpa-deputize sila sang mga traffic enforcers para wala na sang dugang nga akusasyon ukon balibad ang mga nagakadakpan sang BTAO nga ginakuhaan sang driver’s license, apang sa pagklaro sang deputy nga may yara ang ciudad sang ordinansa nga ginamando sang alkalde nga sila ang may otoridad nga magkuha sang lisensya sang motorista. Nakadepende naman sang amo nga mga traffic enforcers kun sila ang magabase sa LTO ukon BTAO sang balor sang penalidad sa naglapas sa ordinansa ukon layi nga ila ginpatuman.
Sa bahin naman sang job order nga traffic enforcer sila ang dapat manukot nakabase sa BTAO nga balor sang penalidad. Ginalauman sang BTAO, nga sila ang makadugang sang lima pa ka mga deputized traffic enforcers agod magaserbe sa ciudad. Ginahulat na lamang ang ID’s sang amo nga traffic enforcers agod maka-implementar sang panibag-o nga responsibilidad.
