Arestado ang isa sa tatlo ka mga suspetsado sa pagpangawat sang motorsiklo sa mag live-in partner sa dalan Lacson, Barangay Mandalagan kahapon nga adlaw, Marso 21. Base sa interview sang DYHB kay Police Captain Rondyll Tapang, Station Commander sang Police Station 3, natigayon nga maaresto ang suspetsado bangod sa ginpatigayon nga pursuit operation sang kapulisan, kag ini ang nadakpan sa bahin sang ciudad sang Victorias.
Santo sa pagpangusisa sang mga kapulisan, ang ini nga suspetsado ang may criminal record kaangay sa kaso nga murder. Samtang padayon pa ang paghibalo sang mga kapulisan kun diin ang duha ka suspetsado apang ini ang ila na na-identify.
Madumduman ang mga biktima ang ginkilala kay Ronnie Amparo, 28 kag Jessavwl Sinogbuhan, 22 lunsay mga residente sang Sagay City. Pahayag ni Ronnie nga mga takna las 2 sang aga naghalin sila sa Sagay kag nagbiyahe padulong Bacolod agud kon tani magkuha sang lapida sa Mandalagan area. Apang didto, hinali lang nagpalapit ang tatlo ka nga lalaki nga suspetsado diin isa sa mga ini ang nag taya pa sa ila sang armas kag ginpalukpan si Ronnie maka duha ka beses. Maayo lang, wala maiguan ang biktima. Magapangatubang sa kaso nga paglapas sa Anti Carnapping Law ang amo nga suspetsado.
