Anum ka mga tagpalamati sang DYHB RMN Bacolod sa tatlo ka mga barangay sa ciudad sang Bacolod ang mapalaron nga nagdaug sa ginpatigayon nga ACS Huli ka promo sang Radio Mindanao Network kag Smart Diswashing kahapon sang aga, March 23.
Duha ang nagdaug sa Brgy. Mansilingan nga amo sanday Ma. June Jingco sang Paglaum Village kag Maria Teresa Dabatos sang Purok Kahirup B.
Samtang, tatlo naman ang nagdaug sa Brgy. Taculing nga ginlakipan nanday Renita Ea, Ofelia Enbino kag Rona Rebaton tanan sang Purok Rosal. Kag ang mapalaron naman nga nagdaug sa Brgy. Mandalagan amo si Mendalina Brillantes sang Purok Marang.
Ang mga nagdaug naaktuhan sang DYHB team nga nagapamati sa DYHB kag naga-gamit sang Smart Diswashing sa ila nga pagpanghugas. Ini sila nakabaton sang premyo nga grocery pack, ACS products, bugas kag cash prize.
Ang ACS Huli Ka Promo ang ginadul-ong sang Radio Mindanao Network kag Smart Dishwashing.
