Madamo sang atraso ang ginluthang-patay sa Purok Lampirong, Brgy. 2, Bacolod City, Sabado, las-8 sang gab-I, Marso 24.
Suno kay Police Captain Glenn Montaño, hepe sang Police Station 2, ginkilala ang biktima nga si Benjoe San Jose, 26-anyos. Suno kay Montaño, yara sa sulod sang computer shop ang biktima sang ginsulod sang duha ka mga lalaki nga naka-bonnete hat kag isa ang naka helmet kag gilayon ini ang ginluthang. Igo sa likod kag ulo ang naangkon sang biktima kag ini ang gindala na sa hospital, apang nadulaan sang kabuhi las-8:40 sang amo nga gab-i.
Suno kay Montaño, may may previous case nga alarm and scandal kag theft ang biktima kag isa man ini ka drug personality sa ila nga lugar. Kun sa diin ginapatihan nga ina ang posible may kaangtanan ukon motibo sa pagpatay sa biktima bangod sa personal niya nga mga kontra.
Gina-tskeyar pa sang kapulisan natuhoy sa CCTV footage sa area agod matumod ang identity sang mga suspetsado. Aminado si PCapt Montaño nga nabudlayan sila mangita sang saksi sa krimen bangod wala naga koordinar ang mga pumuluyo sa lugar. Apang nahibaluan nga pila na ka semana nga may naga pangita sa biktima sang mga wala makilal-an nga mga persona.
