via CNN/Source: UNTV
Nagpahayag ang United Nation Official nga kinanglan na sang ceasefire sa Gaza ilabi na para sa mga kababainhan. Ginpahayag ni UN Women Executive Director Sima Bahous, nga ang mga kababainhan ang nagabata nga wala sang tubig, pagkaon, tents, kag proper hygiene. Kun sa diin iya ginaduso nga nagakadapat nga patigayunon na ang ceasefire kag paghatag sa ila sang mga panginanlanon.
Base sa data sumugod Oktobre 7, tuig 2023 nga masobra 9,000 na ka mga babaye ang nagtaliwan, kapin 23,000 na ang nagkasalamaran sa nagapadayon nga pagpang-atake sang Israeli army sa Gaza Strip.
Nagdangat naman sa kapin 2,000 ang mga missing nga kababainhan. Dugang pa sina, naapektuhan man ang kapin 60,000 ka mga nagabusong bangod wala sang access sa healthcare services kag pagkaguba sang healthcare system sa Gaza bangod sa pagpang-atake sang Israel, nga nagaresulta sa pagkabutang sa risgo sang mga nagabusong nga mga Palestinian kag sang ila mga lapsag.
