Gintupok sang kalayo ang tatlo ka mga balay sa natabo nga sunog pasado las 8 kaina sang aga, March 26 sa Purok Sabis, Brgy. Villamonte, ciudad sang Bacolod.
Sa record sang Bureau of Fire Protection, isa sa balay nga nasunog ang ginapanag-iyahan ni Mary Joy Bocol.
Pahayag sang Bacolod BFP nga tatlo ka mga pamilya ang apektado sang sunog, wala sang may nasamaran kag ginabulubanta nga nagdangat sa kapin P67,000 (more or less) ang kahalitan sini.
Sa karon padayon ang imbestigasyon nga ginapatigayon sang Bureau of Fire Protection sa gintunaan sang amo nga sunog.
