Maryjoy Mandeoya photo
Nagdangat na sa P90,661,264.42 ang kahalitan sang El Niño phenomenon sa mga pananom sa probinsiya sang Negros Occidental. Base sa report sang Office of the Provincial Agriculturist, as of March 20,2024, nagbalhag sang P90,218,523.62 nga kahalitan sa mga humay sa 17 ka mga banwa kag ciudad sa probinsiya.
May pinakadaku nga damage sa Kabankalan City nga nagdangat sa P41.9 million. Samtang, may P442,740.80 naman nga cost of damage sa mga mais sa Barangay Minoyan, Murcia kag Barangay Manlucahoc kag Camindangan, Sipalay City.
