Ginahulat pa sang Provincial Health Office (PHO) ang resulta gikan sa Research Institute for Tropical Medicine (RITM) sang confirmatory test sa ginasuspetsuhan kaso sang pertussis ukon whooping cough sa Corazon Locsin Montelibano Memorial Regional Hospital (CLMMRH).
Ginpahayag ni Provincial Health Officer Dr. Girlie Pinongan nga isa pa lamang ang suspected case kag yara naman ini sa estable nga kondisyon.
Angot sini, ginapanugyan ni Pinongan ang publiko nga maghalong sa ubo, ilabi na sa mga kabataan, nga amo ang masami matapikan sini nga masakit. Apang suno sa provincial health officer, mahimo man sini nga matapikan ang mga hamtong na.
Ginapanugyan sang PHO nga gilayon magpakonsulta kun ginaubo. Subong man ang pagsuksok sang face mask bisan pa sa sulod sang balay agud indi makalaton. Ginakampanya man ang pagpabakuna sang Diphtheria, Pertussis and Tetanus (DPT) sa mga kabataan.
