Padayon pa nga ginatumod sang kapulisan ang motibo sa pagtiro-patay sa manug-ihaw sang sapat sa Sitio Carolina, Brgy. II, La Carlota City, las-8:30 sang gab-i, Marso 25, 2024.
Ginkilala ang biktima nga si Mitchell Iligan Sr., 48 kag residente sang nasambit nga lugar. Nagaguwa sa imbestigasyon nga nagasakay sa iya motorsiklo ang biktima sang ini ang ginluthang sang mga suspek.
Duha ka pilas sa dughan ang naangkon sang biktima nga gintunaan sang iya kamatayon. Suno sa hepe sang La Carlota City Police Station, Police Lt. Colonel Lymel John Pasquin, ila pa ginatumod ang motibo sa pagpatay sa biktima.
Apang gin-confirm sini nga sang nagligad nga tuig, ginluthang man ang biktima kag ini ang naka-survive samtang napasakaan naman sang kaso ang suspek.
