Isa ka diaper maker sa Japan ang nagsaylo na sa adult market bangud sang padayon nga naganubo nga birth rates sa amo nga pungsod.
Ang Oji Holdings magadulog na sang ila domestic output para sa infant diapers sa Setyembre matapos nga ang ila production nagnubo sa 400 million sini nga tinion gikan sa kapin 700 million sang nag-peak ini sang 2001.
Suno sa spokesman sang Oji Holdings, ila damuon ang production sang adult diapers sa karon bangud sang antisipasyon nga gamiton ini sa mga nursing homes.
Sang 2023, nagnubo sa ikawalo nga asod-asod nga tuig ang birth rates sa Japan nga nagadangat lamang sa 758,631, kag mas mataas pa ang numero sang nagkalamatay nga nagadangat naman sa 1,590,503 individuals.
