Wala sang kamatuoran ang gina-alegar kidnapping nga nagluntad sa tunga sang Chinese kag Singaporean National kaina sang kaagahon, Marso 27 sa Palmas del Mar Brgy. Singcang Airport, ciudad sang Bacolod.
Sa interview sang DYHB kay Police Major Eugene Tolentino, Station Commander sang Police station 8, ginkompirmar sini nga wala sang kidnapping nga natabo sa amo nga lugar kag iya ginklaro nga mag-abyananay ang duha kag naga istar sa isa lamang ka lugar. Base sa imbestigasyon sang kapulisan, may yara lamang sang wala pag-inchidihanay ang duha bangud sang utang nga kwarta sang Singaporean National sa iya abyan nga Chinese.
Una na nga gin-alegar sang Singaporean nga siya ang gin-kidnap kag gin-pusasan, apang sa pagresponde sang kapulisan wala man ini sang pusas sa iya mga kamot. Nagreport pa ang amo nga Singaporean sa embassy kag gilayon nga gin-aksyonan kag ginpadulungan sang Anti Kidnapping Group.
Padayon pa ang imbestigasyon sang mga otoridad natuhoy sa insidente bangod madamo sang ID nga ginpakita ang Singaporean kag amo man ang natuhoy sa background sang duha.
