Gin-alegar ginkawat ang isa ka tricycle sa bahin sang Purok Neptune Barangay Singcang-Airport ciudad sang Bacolod kaina sang hapon, Marso 27.
Base sa pahayag ni Harry Bautista, driver sang motorsiklo nga Honda Dream 100 nga naga duag pula nga may sidecar sang traysikad, kag residente sa amo nga lugar, nga siya ang nagpadulong sa ila balay agod maghatag sang bugas sa iya nga asawa. Pagkaligad sang kapin 30 minutos nagbalik si Harry sa iya gin-parkingan sang tricycle kag didto nadiskubrihan nga wala na ini.
Gintingwaan pa sang biktima nga pangitaon ang amo nga tricycle apang siya ang napaslawan. Aminado man ini siya nga naka-ungot ang yabi didto. Duha pa lamang ka bulan nga naga-istar ang biktima sa amo nga lugar kag nagabiyahe sang tricycle bilang palangabuhian. Iya naman ini napa-rekord sa Bacolod Police Station 8 natuhoy sa insidente.
