Malain nga makita sang mga pangayaw. Ini ang reaksyon ni Jeffrey Togle, isa ka vendor sa corner Galo-Mabini, Brgy. 22, Bacolod City sa bandalismo sa isa ka malaba nga pader kag establishments malapit sa iya nga pwesto.
Sa Bantay Bandalismo segment sang DYHB, ginpahayag ni Togle nga kalain nga makita sang mga pangayaw nga puno sang vandalism ang palibot sang ciudad.
Magluwas diri, nagakanugon man si Togle sa ginagasto sang mga tag-iya sang establishments agod mapintahan sang limpyo ang ila lugar apang wala sila sang mahimo sa mga vandal nga suno diri, posible masami mga kabataan.
Aminado si Togle nga mapisan kag nagabantay ang mga tanod sa Brgy. 22 sa paglibot kag pagbantay sang ila palibot apang sila man lang mismo ang ginabantayan.
