Nagapati ang Central Negros Electric Cooperative (CENECO) nga ginaubra na negosyo sang iban ang pagpahanugot nga may mag tap nga lain sa ila sini mga kontador.
Sa interview sang DYHB kay CENECO OIC General Manager Atty. Arnel Lapore, ginpahayag sini nga isa sa nga rason ngaa may mga low voltage amo bangud sa sobra-sobra man nga pag-tap.
Dugang pa, imbes ma-record sang CENECO ang paggamit sang kuryente, libog man sa gihapon sa ila sini mga ulo ang mga nagapasekreto lang tap. Nagapati si Lapore nga may exploitation man nga nagakatabo sa ini nga butang, imbes mag-ganar ang CENECO, mas naga-income ang tag-iya sang metro nga nagapa-tap.
Ang ginagamit nga kuryente ang ginatakos base sa paggamit sang isa ka panimalay sini pinaagi sa pagsukot sang Distribution Supply Metering ( DSM). Dugang pa sang abogado, nga mas kaluluoy sa ulihi amo ang mga pamuluyo nga mas ginpili ang mang-tap sangsa mga naghikot sang ila mga dokumento agud makapatakod sang ila kaugalingon nga kontador.
Nahibaluan nga may kapin 6,000 ka mga panimalay diri sa Bacolod ang naga-illegal tapping, base sa survey sang CENECO kag Negros Power Corporation (NEPC).
