May yara na sang lima ka probable cases sang pertussis sa ciudad sang Bacolod. Ini sa latest data sang City Health Office (CHO).
Ang CHO magapadala sang dugang nga apat ka samples sa Research Institute for Tropical Medicine (RITM) sa diin tatlo sa sini nga mga kaso ang halin sa Bacolod kag isa naman sa probinsiya sang Negros Occidental.
Naga-edad sang anom ka semana tubtob duha ka bulan ang mga probable cases sang whooping cough sa diin lunsay admitted ang mga ini sa hospital.
Nahibaluan nga may nauna na nga isa ka sample nga ginpadala ang CHO sa RITM sang nagligad nga semana apang ginahulat pa ang resulta.
