Nagsugod na ‘rationing’ sang city government sang tubig sa pila ka barangay nga wala sang supply sang tubig angot sa epekto sagihapon sang El Niño phenomenon sa syudad sang Bacolod.
Suno kay Mayor Albee Benitez nga iya gin-tap ang mga indibidwal nga may existing nga water trucks para mag-distribute sang tubig kaupod man sang Bureau of Fire Protection (BFP-Bacolod) kag City Disaster Risk Reduction and Management Office (CDRRMO).
Dugang pa ni Benitez nga lakip man sa ginadul-ungan sang tubig ang mga eskwelahan sa Bacolod nga ginagamit sa karon nga billeting quarters angot sa nagapadayon nga 2024 Provincial Meet.
Ang mga residente sang Bacolod nga luyag magpa-schedule para sa delivery sang tubig ang sarang naman maka-coordinate sa Public Affairs and Assistance Division (PAAD).
