Extended ang suspension sang face-to-face classes sa ciudad sang Bacolod kag pila ka local government units sa probinsiya sang Negros Occidental subong nga adlaw bangud sang tuman kainit sang panahon.
Si Mayor Albee Benitez ang nag-anunsiyo na sang suspension sang face-to-face classes sa Bacolod subong nga adlaw tubtob Abril 4 sa pre-school, elementary, secondary kag senior high school.
Suspended man ang klase sa EB Magalona, Silay City, San Carlos City kag Himamaylan City, all levels subong nga adlaw. Subong man sa pre-school tubtob senior highschool sa Talisay City apang ang mga private school nga may fully air-conditioned rooms ginatugyan na sa ila school heads ang pag-suspend sang klase.
Sa Kabankalan City, authorized man ang mga school heads nga mag-suspend sang face-to-face classes kag uniform policy subong nga Abril 3. Mangin ang outdoor activities, wala man gina-encourage.
Sa ciudad sang Bago, authorized man ang mga school heads nga mag-suspend man sang face-to-face classes subong nga Abril 3 tubtob sa Lunes, Abril 8, depende sa sitwasyon.
