Nakatutok man ang kapulisan sa ciudad sang Bacolod sa ginapatigayon nga Provincial Meet 2024 nga opisyal nagsugod, Abril 2.
Ang Police Station 7 ang nagabantay karon sa guwa sang Panaad Park and Stadium sa Brgy. Mansilingan nga isa man sa mga playing venues. Samtang ang Negros Occidental Police Provincial Office (NOCPPO) ang nagabantay naman sang seguridad sa sulod sang stadium.
Ang mga atleta gikan sa ciudad sang Himamaylan ang naga-billet karon sa nasakupan sang Police Station 7 kag suno kay station commander Police Captain Andy Ofalia, hugot ang ila nga pagbantay.
Nahibaluan nga kapin sa 6,500 ka mga atleta sa probinsiya ang naga-compete sa lima ka adlaw nga Provinical Meet 2024.
