Natalana nga makipaghinun-anon ang mga katapo sang kapulisan sang Police Station 8 kag mga opisyal sang Brgy. Singcang Airport, subong nga adlaw, Abril 4, natuhoy sa mga persona nga nagahimo sang illegal nga aktibidad sa amo nga barangay ilabi na sa Purok Bulubitoon.
Base sa pahayag ni Police Major Eugene Tolentino, Station Commander sang Police Station 8 nga sila ang natalana nga makig-istorya kay Atty. Caesar Distrito, Punong Brgy. sang Singcang-Airport agod matutokan ang mga illegal nga aktibidad sa amo nga barangay.
Santo sa post ni Atty. Distrito, personal nila nga ginpadulungan ang mga boarders kag mga pangayaw sa gina alegar nga mga drug den kag boarding house sang isa ka compound sa amo nga barangay agod mahatagan sang warning sa sulod sang 24 oras nga maghalin sa lugar.
Kung sila ang indi magahalin sa lugar, sila ang pagakasuhan kag igapresohun kung madakpan sa akto nga nagabuhat sang illegal nga aktibidadis. Ginpatigayon ang operation bangod madamo sang report nga nabatun ang barangay gikan sa mga pumuluyo.
Ginwarningan man ni Atty. Distrito, ang tag-iya sang gina-paarkilahan nga lugar nga kung siya ang magabaton pa liwat sang pangayaw nga nagahimo sang makaduluda nga aktibidad, siya ang maulamid sa kaso.
Dugang pa ni PMajor Tolentino, ang ini nga operation ang tikang nga gin buhat sang Brgy. kag kung ano ang mangin resulta sang ila paghinun-anon buwas, ang kapulisan ang maga-cooperate kag magpatigayon sang ila nga imbestigasyon natuhoy sa alegasyon.
