Handa nga magbulig ang opisyales sang Barangay 11, nga ginapangunahan ni Brgy. Captain Evelyn C. Ta-asan, sa tukuron nga anti- vandalism task force sa ciudad sang Bacolod.
Ini matapos nga naghingyo ang pamunuan sang La Consolacion College (LCC) nga buligan bangud nga kapila na sila magpa pinta sang pader apang ginakuritan man sa gihapon.
Sa interview sang DYHB kay Brgy. Captain Ta-asan, ginsiling sini nga may yara lamang sang duha ka purok ang amo nga barangay amo nga nagapati ini nga ang mga nagapangkurit sa pader ang indi pumuluyo sang amo nga barangay.
Dugang pa ni Ta-asan may yara sang CCTV sa lugar apang tuman na ini kalayo sa bahin sang ginpangkurisan nga pader sa LCC amo nga indi na ini makita.
