Opisyal na nga gintukod sang Bacolod City Police Office (BCPO) sa pagpanguna ni City Director Colonel Noel Aliño ang Anti-Vandalism task force kahapon, Abril 3.
Pinaagi sa direktiba ni Mayor Albee Benitez, hugot nga iga-implementar sang kapulisan ang Anti-Vandalism Ordinance sang ciudad agud tapnaon ang lapnagon nga bandalismo sa Bacolod.
Sa ginpatigayon nga online meeting kaupod ang mga miyembro sang nasiling nga task force kahapon, pila sa mga luyag i-implementar sang grupo amo ang pag-identify sa mga nagapang vandalize agudto mapasakaan ang mga ini sang kaso kasubong man ang regular nga monitoring sa mga pader kag dalanon sang ciudad.
Overall supervisor sang Task force Anti-Vandalism si PLtCol. Lester Leada, Team leader naman si PLt. Greeky Cayao samtang mga miyembro naman ang mga Station Commanders sang pulo ka mga Police Stations sang BCPO.
Ang mga Intelligence Officers naman sang BCPO kaupod ang mga force multiplier ang magapangita sa mga nagapang vandal.
