Patay ang kapin siyam kag pilason ang kapin 800 ka mga persona sa nagluntad nga 7.5 magnitude nga linog sa Taiwan.
Ang amo nga linog, ang ginakabig pinakabaskog nga nagluntad sa amo nga lugar makaligad ang 25 ka tuig ukon sadtong tuig 1999.
Santo sa pahayag sang Taiwan government nga ang mga nagtaliwan ang nagikan sa nabukid nga bahin sang Hualien nga amo nga epicenter sang linog.
Padayon naman ang pagpatigayon sang rescue operation sa mga natrap nga mga indibidwal matapos nga maguba ang 26 ka mga establisyemento. Kadungan sina, nagapatigayon man sang rescue operation sa kapin 77 ka mga persona nga na-trapped sa Jinwen kag Qingshui tunnels.
Nag-isyu man sila sang tsunami warning, kag kadungan sina may tsunami alert man malapit sa Taiwan, kaangay sang pungsod Japan kag Pilipinas.
Base naman sa Electricity operator nga Taipower, masobra 87,000 ka mga panimalay sa Taiwan ang nadulaan sang suplay sang kuryente apang wala naman na apektuhan ang duha ka nuclear power stations.
