Ginpasakaan sang kaso nga rape ang isa ka Indian National matapos nga gin-alegar siya ang suspetsado sa pagpanghimulos sa isa ka babaye sa isa ka Barangay sa ciudad sang Bacolod, gab-i sang Miyerkules, Abril 3.
Ang biktima ang naga-edad 21-anyos nga residente sang banwa sang Murcia samtang ang suspetsado ang naga-edad sang 30-anyos.
Base sa pahayag ni Police Captain Dax Santillan, Station Commander sang Police Station 6, nga ang biktima kag ang suspetsado ang nagkilalahay sa isa ka online dating app.
Nahibaluan nga nagpadulong ang babaye sa balay sang suspetsado sa una nga kahigayon nga pagkitaay, kag suno sa babaye, siya ang ginhimuslan sa sulod sang balay sang suspetsado.
Agod siya ang marescue, nag-text ini sa iya ex-boyfriend agod mangayo sang bulig, kag gilayon nga nagpadulong ang anay-kahigugma sa kapulisan kag ginpadulungan ang lugar sang insidente.
Dugang ni PCapt. Santillan, ginpaidalom na sa medico legal ang gina-alegar biktima sa pagpanghimulos.
Yara naman nahunong ang suspetsado sa Police Station 6 para sa proper disposition.
