Indi na pag iduso pa sang Bacolod City LGU ang tatlo ka tuig na sini gina tungahaan makuha nga ‘longest grill’ title sa ginapaabot nga Chicken Insasal Festival 2024 sini nga bulan sang Mayo.
Sa interview sang DYHB kay Councilor Jason Villarosa, chair sang Committee on Tourism iya ginpahayag nga kadamo pa sang mga kihangalan hikuton kon ila pa nga iduso ang pagkuha sang title kaangay na lamang sang pag gasto sang kwarta para sa pagpakadto sang mga tiglawas sang Guinness Book of World Record diri sa ciudad.
Sa paghinuna-anon ni Villarosa kaupod si SP Committee Chair on Market, Councilor Celia Flor, ila ginkasugtan nga imbes magpatigayon pa sang pag asal sa dalanon, maga-organize nalang sila sang dance competition sa mga kabarangayan.
Sa nasilingnga kapistahan, isa ka mural painting and graffiti artwork competition man ang patigayunon, agudto mahatagan man sang venue ang mga graffiti artist nga ma-express ang ila nga art.
Ang Chicken Inasal Festival 2024 ang ginalauman mangin mas enggrande kon ipaanggid sa nagliligad nga mga selebrasyon bangud kay tuyo man sang ciudad nga mangin isa ini sa pinakadako nga kapistahan sa Bacolod, sunod sa Masskara Festival.
Ginkumpirmar man ni Villarosa nga magasaka sa P2,000,000 ang pondo sa kahiwatan matapos nga ma amyendahan ang ordinansa nga may orihinal nga pondo nga P1,000,000.
