Na-dismantle sang Philippine Drug Enforcement Agency (PDEA) VI Negros Occidental Police Office, ang ginapatihan drug den sa Purok Jose Rizal, Barangay 14 ciudad sang Bacolod, las-4:12 sang hapon, adlaw sang Biyernes, Abril 5.
Santo sa rekord sang PDEA, ginkilala ang maintainer sa ginapatihan nga drug den nga si Julius De Pedro Batayen alias Julius, 39-anyos, construction worker, residente sang amo nga lugar, kaupod nga nadakpan amo Sanday Ralph Lauren, 27, residente sang Brgy. 15, kag si Christine Macabante, 29, sang Dawis St. Brgy. 14 sa amo nga ciudad.
Nakompiskar sa mga arestado ang kapin walo ka gramo sang ginapatihan shabu nga may Standard Drug Price nga P54,500 kag pila ka mga non-drug paraphernalia.
Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 ang tatlo ka mga arestado kag sila ang nahunong sa PDEA Provincial Office sa ciudad sang Silay para sa proper disposition.
