Nakapauli na halin sa ospital kaga nagapaayo sa iya pilas ang labing una nga lalaki nga nabuhi matapos mapaidalum sa isa ka transplant gamit ang isa ka ‘genetically edited pig kidney.’
Si Rick Slayman, 62 anyos ang malipayon nga nasugpunan pa ang iya kabuhi pinaagi sa nasiling nga transplant diin karon maayo gid ang lakat sang iya recovery.
Si Slayman ang isa ka manager sang Massachusetts Department of Transportation.
Siya ang sadto na diagnose na nga may acute kidney disease kag gin rekomendahan sang iya doktor nga kidney sang baboy nalang ang ibaylo sa iya naguba na nga organ.
Ang ini nga sahi nga surgery ang ginatawag nga ‘xenotransplant’ kag si Slayman ang ika tatlo na nga tawo nga napaidalom diri.
Ang duha ka iban pa nga napaidalom sa xenotransplant amo ang nagkalamatay matapos nga ginbayluhan sang heart sang baboy ang ila kurason.
Suno kay Slayman nagapasalamat nalang siya nga indi niya na kinahanglan pa maghulat sa kon san-o may available nga organ nga pwede ibaylo sa iya nga kidney karon nga kapin 89,000 ka mga tawo sa America ang yara sa waiting list para sa nasiling nga transplant.
