Pangunahan ni President Bongbong Marcos ang mass distribution sang mga Certificate of Land Ownership Award ukon CLOA sa ciudad sang Bago buwas sa aga, Abril 8.
Nagalab-ot sa 4,724 ka mga CLOA, nga nagalapad sang kabug-usan nga 2,500 ektariyas sang duta, ang ipanagtag sa 2,797 ka mga agrarian reform beneficiaries ukon ARBs nga magatambong sa programa nga hiwaton sa Manuel Y. Torres Memorial Coliseum and Cultural Center sa sentro sang ciudad.
Magluwas sa presidente, yara man si Department of Agrarian Reform ukon DAR Secretary Conrado Estrella.
Nalakip sa mga ipanagtag ang mga land titles nga na-generate sa idalom sang Support to Parcelization of Lands for Individual Titling or Project SPLIT.
Antes sini, si PBBM ang magatambong sa ceremonial energization sang Cebu-Negros-Panay Backbone Project Stage 3 sa Barangay Mansilingan.
