Ginalauman sang mga district representatives sa southern Negros Occidental nga malakip sa State of the Nation Address (SONA) ni President Bongbong Marcos ang pagpirma sini sa Negros Island Region (NIR) Bill.
Ginpahayag ni 6th District Congresswoman Mercedes Alvarez nga daku ang ila kalipay kag pagpasalamat ang pahayag ni President Marcos nga pirmahan sini ang NIR Bill.
Dugang pa ni Alvarez nga mas maayo kun mapirmahan sang presidente ang hagna sa labing madali nga panahon.
Samtang, gin-ugyunan ni 5th District Congressman Dino Yulo ang pahayag ni Alvarez kag iya man ginpasalamatan ang mga pumuluyo nga nag-suporta kag nag-upod sa pagpangamuyo tubtob naaprubahan ang hagna nga nagatukod sang NIR.
Nahibaluan nga ang mga district representatives sa mga probinsiya sang Negros Occidental, Negros Oriental jag Siquijor ang nangin principal author sang NIR Bill.
