Target sang gobyerno nga makapanagtag sang kapin 11,000 ka mga titulo sa mga agrarian reform beneficiaries sa Negros Occidental sini nga tuig 2024.
Ini ang ginpahayag ni Presidente Bongbong Marcos durante sang pagpanagtag sang malapit 5,000 ka mga certificate of land ownership award (CLOA) sa malapit 3,000 ka mga agrarian reform beneficiaries sa probinsiya sa isa ka programa sa ciudad sang Bago kaina sang aga.
Plano man sang DAR nga maka-distribute sang duta sa 100,000 ka mga mangunguma sa bilog nga pungsod sini nga tuig.
Ginpabutyag sang presidente nga ang mass distribution kaina ang pamatuod nga wala nagauntat ang gobyerno, sa pagpanguna sang DAR, nga matuman ang pangako sini nga mahatagan sang duta-ulumhan ang mga mangunguma makaligad ang 33 katuig kag anom ka administrasyon nga naglabay.
