Personal nga nag-apelar si 5th District Congressman Atty. Dino Yulo kay Agrarian Reform Secretary Conrado Estrella III nga magbulig sa pagkumbinser sa Department of Agriculture nga magpatigayon sang cloudseeding operation sa Negros Occidental.
Sa press conference ni Secretary Estrella kasunod sang mass CLOA distribution sa agrarian reform beneficiaries sa Bago City, ginkuha ini nga kahigayunan ni Cong. Yulo agud ipalab-ot ang hingyo sang mga mangunguma para sa artipisyal nga ulan sa tunga sang tuman nga tig-ilinit.
Ginpabutyag ni Yulo nga ang pinaka-apektado sang El Niño amo ang mga ARBs nga wala sang kapasidad nga makapatubig sa ila mga pananom.
Ginsugid man sang mamalidha nga wala gin-ugyunan sang Bureau of Soils and Water Management (BSWM) ang hingyo nga cloudseeding bangud nga wala sang “seedable clouds” sa pihak sang gal-um sa kahawaan.
Sabat naman ni Secretary Estrella, malapit sini nga abyan si Agriculture Secretary Francisco Tiu Laurel Jr. kag ginpasalig sini nga iya ipalab-ot ang hingyo ni Yulo.
Ginpabutyag ni Yulo nga ang pinaka-apektado sang El Niño amo ang mga ARBs nga wala sang kapasidad nga makapatubig sa ila mga pananom.
Ginsugid man sang mamalidha nga wala gin-ugyunan sang Bureau of Soils and Water Management (BSWM) ang hingyo nga cloudseeding bangud nga wala sang “seedable clouds” sa pihak sang gal-um sa kahawaan.
Sabat naman ni Secretary Estrella, malapit sini nga abyan si Agriculture Secretary Francisco Tiu Laurel Jr. kag ginpasalig sini nga iya ipalab-ot ang hingyo ni Yulo.
