Ginpasakaan sang kaso nga paglapas sa Republic Act 7610 ukon Special Protection of Children Against Abuse, Exploitation, and Discrimination Act ang apat ka mga gina-alegar suspetsado sa pagpangastigo sa 11-anyos nga babaye sa ciudad sang Talisay.
Base sa interview sang DYHB kay Police Major Kathrina Onio, deputy of operation sang Talisay City Police Station nga gina-alegar bunga sang unwanted child ang amo nga biktima bangod ang iloy sini ang biktima sang isa ka insidente ukon pagpanghimulos.
Kung sa diin ang tanan nga kaakig sang iloy ang iya ginapa-utwas sa biktima.
Ginklaro ni PMaj. Onio nga child abuse ang ginpasaka nga kaso sa mga suspetsado bangod ini ang may special power kag mas dako ang penalidad. Bangod kun mapamatud-an kag mahatulan nga ini sila ang guilty sa amo nga insidente, sila ang posible ma preso sa sulod sang 12 tubtob 20 ka tuig.
Apang sa karun sila ang nahunong Talisay CPS para sa proper disposition.
Sa bahin naman sa sitwasyon sang biktima, yara na ini sa kustodiya sang City Social Welfare and Development Office samtang ini ang padayon ang recovery stage sa ospital.
