Indi lahog-lahog ang mga injury nga naagom sang 11-anyos nga babayi nga gin-maltrato sang apat sini ka mga himata sa ciudad sang Talisay suno sa isa ka doktor nga nga nag atinder diri pagkatapos siya ma-rescue.
Sa interview sang DYHB kay Dr. Vicente ‘Itik’ Iturriaga, sang Teresita Jalandoni Provincial Hospital (TJPH) iya ginpahayag nga magluwas sa duha ka black eye, gisi sa bibig, bukol-bukol sa ulo, kag kagat sang mga sapat, may fracture man ini sa kamot.
Sa una nga pag istorya ni Dr. Itik sa bata, natalupangdan sini nga daw ka luya kg pirmi ini tuyo, apisar nga wala sang skull fracture nga nakita, indi buot silingon nga wala na sang blood clot ukon hemorrhage amo kon ngaa dapat ipa CT Scan man ini.
Dugang pa, sa liwat nga iya pagpamangkot sa bata, ginklaro sini nga utod sang iya iloy ang nagtutod sa babaw poso negro diin siya gin sulod kag indi ang live-in partner sang iya tiyo.
Pahayag pa sang doktor nga ginhambalan siya sang bata nga kon apinan kag buligan siya sang iya mga manghod kada sakiton siya sang ila iloy, siya man sa gihapon ang ginapaukpan nga ginakastigo man liwat.
