Napuno sang bandalismo ang gintukod nga baral sang isa ka construction site sa dalan Locsin, Brgy. 38, ciudad sang Bacolod.
Sa interview sang DYHB kay alyas “Estoy”, ginpahayag sini nga bag-o palang gintukod ang mga baral sa palibot sang amo nga construction site napuno na gilayon ini sang mga bandalismo.
Siling pa ni Estoy, kun luyag sang artist nga magpautawas sang iya nga ginabatyag, mas mapuslanon kag manami kun ibutang ini sa husto nga lugar kag indi sa pagpangkuris.
Dugang pa sini, agud mangin mapuslanon ang pagpangkuris maghimu nalang sila sang Wall kag dira magpinta total nagagasto man ang ini nga mga grupo sa wala sang pulos.
