Indi mahangpan ni San Carlos City Mayor Rene Gustilo ang oposisyon sang Diocese of Dumaguete sa pagtukod sang Negros Island Region.
Panindugan sang alkalde, bentaha para sa Negros Occidental, Negros Oriental kag Siquijor bangud indi na kinahanglan nga magtabok sa Iloilo kag Cebu agud mag-transaksyon sa regional offices sang mga ahensiya sang gobyerno.
Nahibaluan nga ang Diocese of Dumaguete ang nagpanawagan kay Presidente Bongbong Marcos nga i-veto ukon indi pagpirmahan ang NIR Bill, nga hugot naman nga gina-kwestyon ni Mayor Gustilo kun ano ang rason sa likod sini kag kun ngaa subong lang sila nagpabutyag sang pagkontra.
Panugyan ni Gustilo, pabay-an na lamang ang mga political leaders nga himuon ang ila trabaho ilabi na nga sa ila paglantaw, benepisyo sa mga pumuluyo ang Negros Island Region.
