Tatlo ka barangay sa ciudad sang Bacolod ang ginrasyunan sang tubig sang city government subong nga adlaw sang Huwebes.
Paagi sa ‘Patubig Sa Barangay’ program sang ciudad agod mahagan-hagan ang epekto sang El Nino, 17 ka tangke nga may 2,000 ka litro sang tubig nga kapasidad ang ginrasyun sa Barangays Villamonte, Handumanan, kag Mansilingan sa bulig sang Disaster Risk Reduction and Management Office (DRRMO).
Napulo ka tangke ang ginpahamtang sa Purok Himaya kag Purok Paghidaet sa Brgy. Mansilingan. May tangke man ginpahamtang sa Prk. San Antonio, Cadena De Amor, Tapulanga Hills, Narra, Golden Rosary, kag Mahogany sa Brgy. Handumanan. Samtang sa Purok Isla kag Gugma naman ang sa Brgy. Villamonte.
Samtang ang Red Cross nagrasyon man sang tubig sa Prk. Paghida-et, Gardenia, Punay, Flordeliz, kag Maya sa Brgy. Mansilingan sa diin 35 ka households ang nakabenepisyo.
Magapadayon naman ang water rationing sa Barangays Mansilingan, Villamonte, Handumanan, Estefania, Taculing, 27, kag 33, subong nga adlaw, Abril 12, 2024. | Mayor Albee Benitez photos
