Handa na ang Security Committee sang 28th Panaad sa Negros Festival para sa patigayunon nga kahiwatan sa masunod nga semana.
Kaina sang aga, Abril 13 ginpatigayon ang Send-off Ceremony sang Task Force Group Panaad Festival sa pagpanguna ni Gov. Bong Lacson kag sang Negros Occidental Police Provincial Office (NOCPPO) para sa kahiwatan nga magasugod sa Abril 15 tubtub 21.
Sa iya pagpamulong-pulong, ginpahayag ni Lacson nga sini nga tuig, nagpreparar ang provincial government sang mas madamo nga aktibidad para sa mas masangkad nga selebrasyon.
Suno sa gobernador nga bangud sini, gina-anticipate ang mas madamo nga pagdagsa sang tawo nga posible magalab-ot sa pila ka libo nga mga Negrense kag mga turista
Ang send-off ceremony ginpatigayon sa Camp Alfredo Montelibano Sr., ciudad sang Bacolod.
| Via PGNO
