Dakop ang duha ka mga lalaki sa ginpatigayon nga buybust operation sa Palanca Road Purok Masinadyahon Brgy. 12, Bacolod City, adlaw sang Sabado, Abril 13, pasado las-11 sang aga.
Base sa rekord sang Bacolod City Police Office, ang amo nga operation ang ginpangunahan sang Police Station 1.
Ang mga suspetsado ginkilala nanday Ariel Ferrer, 31-anyos, kag Rodel Villarna, 39-anyos, lunsay wala sing trabaho kag mga residente sang Brgy. 14 sa amo nga ciudad.
Nakompiskar sa duha ang kapin pito ka gramos sang ginapatihan shabu nga may standard drug price nga kapin P47,600.
Nahunong sa karun ang mga suspetsado sa PS1 kag magapangatubang sa kaso nga paglapas sa Republic Act 9165 ukon Comprehensive Dangerous Drugs Act of 2002.
š·Bacolod City Police Office
