Patay ang senior citizen nga babaye kag isa ang pilason sa sunog nga nagluntad sa Brgy. San Jose banwa sang Binalbagan, Sabado sang gab-i, Abril 13.
Base sa interview sang DYHB kay Fire Officer 2 Joseph Salarda, Chief sang Intelligence and Investigation Section (IIS) sang Bureau of Fire Protection-Binalbagan nga ang nagtaliwan amo si Salome Delprado, babaye, 76-anyos, samtang ang pilason amo si Oscar Mission, lalaki, 51-anyos.
Nahibaluan nga si Delprado ang natrap sa sulod sang ila puluy-an bangod siya ang bed ridden kag natabuan nga wala ini upod sa ila puluy-an sang nagluntad ang sunog.
Nagdangat sa kapin P282,000 ang kahalitan sang sunog sa apat ka balay.
Santo sa inisyal nga imbestigasyon sang BFP-Binalbagan, nga ang sunog ang nagluntad sa isa ka dirty kitchen apang nagapadayon pa ang imbestigasyon natuhoy sa insidente.
š· BFP-Binalbagan
